Rivalët e vjetër takohen në Prishtinë

Dy skuadra me shumë traditë në hendbollin kosovar takohen mes vete në kryendeshjen e javës së 17-të të Superligës së hendbollistëve. Të dielën nga ora 18:00 takohen Prishtina dhe Kastrioti i Ferizajt, në Pallatin e Rinisë dhe Sportit në kryeqytet, transmeton Klan Kosova. Është kjo ndeshje e rëndësishme për kreun e tabelës. Prishtina është e dyta me 28 pikë kurse Kastrioti i katërti me 22 pikë. Derbi përmbyll javën e 17-të. Ndeshjet tjera janë të shtunën: Besa Famgas - Vushtrria (15.30), Llapi - Trepça (19.00), Drenica - Drita (19.00), Prizreni - Vëllaznimi (16.00).

klankosova.tv