Rizvanolli takohet me ambasadorin jorezident të Malajzisë, dakordohen për bashkëpunim në fushën e energjisë diellore

Ministrja e Ekonomisë, Artane Rizvanolli ka takuar ambasadorin e ri jorezident të Malajzisë, Zahid Rastam, me të cilin kanë diskutuar rreth lidhjeve të mira diplomatike dhe ekonomike që kanë dy vendet. Gjatë takimit u vlerësua se synimi i përbashkët është krijimi i partneritetit të fortë që lidhin bizneset e Kosovës dhe Malajzisë, duke inkurajuar investimet që do të thellojnë marrëdhëniet ndërqeveritare, thuhet në njoftimin e ministrisë, përcjell Klankosova.tv. Ambasadori njoftoi Rizvanollin se gjashtë nga dhjetë kompanitë kryesore fotovoltaike operojnë në Malajzi, duke e bërë vendin e tyre një nga prodhuesit kryesorë të energjisë diellore, e të cilët kanë filluar investimet që nga vitet e 70-ta. Ndërsa, Rizvanolli ka theksuar se Kosova ka nisur rrugën drejt një të ardhmeje më të gjelbër dhe të sigurt, investimet tona të planifikuara në energjinë e ripërtëritshme, po hapin rrugën për investime të reja dhe një të ardhme të qëndrueshme në fushën e energjisë. “Në këtë takim njoftues u dakorduam të shtyjnë përpara mundësit e bashkëpunimit mes Kosovës dhe Malajzisë, veçanërisht në sektorin e teknologjisë së informacionit dhe komunikimit, si dhe në fushën e energjisë diellore”.