Romë: Qindra zogj të pajetë në rrugë pas fishekzjarrëve të Vitit të Ri

Qindra zogj kanë ngordhur pasi shumë njerëz hodhën fishekzjarrë në kryeqytetin italian mbrëmjen e ndërrimit të viteve. Pamjet nga rrugët e Romës, tregonin dhjetëra e dhjetëra zogj, kryesisht harabelë, të pajetë në tokë. Shkaku i ngordhjes së tyre nuk është i qartë por organizata ndërkombëtare për mbrojtjen e kafshëve tha se dukej se e gjithë kjo kishte të bënte me përdorimin masiv të fishekzjarrëve në natën e ndërrimit të viteve. Sipas ekspertëve, ka gjasa që zogjtë të kenë ngordhur edhe nga frika e zhurmës së jashtëzakonshme të fishekzjarrëve. Harabelët mund të jenë ngritur në fluturim kaotik, të jenë përplasur me njëri-tjetrin apo me dritaret apo linjat e energjisë elektrike. Madje ekspertët thonë se zogjtë mund të ngordhin edhe nga ataket kardiake. Spektaklet e fishekzjarrëve çdo vit shkaktojnë probleme dhe lëndime përveçse tek njerëzit edhe tek kafshët dhe numri i pazakontë i zogjve të ngordhur në Romë, vjen pavarësisht masës së ndalimit të fishekzjarrëve atje nga autoritetet, që në një masë të madhe është injoruar./TCH https://twitter.com/OIPAInternation/status/1345064655308386304?ref_src=twsrc%5Etfw%7Ctwcamp%5Etweetembed%7Ctwterm%5E1345064655308386304%7Ctwgr%5E%7Ctwcon%5Es1_&ref_url=https%3A%2F%2Fwww.euronews.com%2F2021%2F01%2F01%2Fhundreds-of-birds-found-dead-in-rome-s-streets-after-new-year-fireworks-displays