Aktori i njohur i humorit, Romeo Veshaj ka zgjedhur të publikojë së fundmi një nga pamjet më të bukura duke shijuar detin dhe temperaturat e larta krah të dashurës së zemrës së tij,Jonida Maliqit.

“Paqja është premtimi që ti mban”, ka shkruar Romeo krah fotos ku duket se e ka përqafuar dhe puthur Jonidën.

Ndjekësit e kanë pëlqyer menjëherë këtë pamje dhe shumë prej tyre e kanë komplimentuar dyshen në komente. Prej disa kohësh tanimë, Jonida dhe Romeo kanë ndarë momente të ndryshme me ndjekësit, duke kërcyer, kënduar apo qeshur dhe duke treguar se shumicën e kohës janë krah njëri-tjetrit.