Nico Rosberg pësoi një aksident të frikshëm gjatë sesionit të dytë të provave të lira të Çmimit të Madh të Belgjikës.
Kur duhej edhe gjysmë ore nga fundi i tyre, goma e pasme e Mercedesit të gjermanit shpërtheu, duke bërë që makina të rrotullohej rreth vetes, por fatmirësisht pa u përplasur me barrierat mbrojtëse të pistës.
Në momentin e aksidentit, Rosberg ishte me 306 km/h, shkruan Top Channel.
“Ndodhi papritur. Nuk është bukur të humbasësh kontrollin e makinës kur je me 306 km/h. Pata fat që nuk u përplasa me muret”, tha Rosberg.
https://www.youtube.com/watch?v=N4QTep6NXnA
●●●
LSHKRIMI NGA
LiZe
Editorial nga Klan Kosova — ndjek sport dhe zhvillimet e tjera kryesore të vendit.