Rrëshqitje gurësh në Bogë të Rugovës, njëra korsi ndalohet për qarkullim

Reshjet e mëdha të shiut që ranë gjatë mbrëmjes së djeshme dhe sot në Kosovë, sollën edhe rrëshqitjen e gurëve në Rugovë, konkretisht në Bogë. Për këtë zhvillim u informuan edhe organet e rendit, zyrtarët e të cilës morën menjëherë masat e sigurisë. Detaje për Klankosova.tv dha zëdhënësi i Policisë për rajonin e Pejës Driton Rugova. "Nga shembja e gurëve nuk ka dëme. Aktualisht njëra korsi është ndaluar për qarkullimin e automjeteve", deklaroi Rugova.