Rrihen tre të mitur në Lipjan, njëri gjuan me armë zjarri

Tre të mitur në Baincë të Lipjanit u arrestuan gjatë ditës së premte, nën dyshimin se pas një mosmarrëveshje u rrahën mes vete. Sipas njoftimit të Policisë së Kosovës, njëri prej të dyshuarve ka shtënë dy herë me armë zjarri, transmeton Klankosova.tv. Me vendim të prokurorit dy të dyshuar janë liruar në procedurë të rregullt, ndërsa njëri është dërguar në mbajtje. “Janë arrestuar tre të dyshuar m/k të mitur, pasi që pas një mosmarrëveshje ka ardhur deri tek rrahja në mes  tyre, ku njëri nga të dyshuarit kishte shtënë dy herë në ajër me armë zjarri. Pistoleta me tre fishek dhe dy gëzhoja janë sekuestruar. Me vendim të prokurorit dy të dyshuar janë liruar në procedurë të rregullt, ndërsa njëri është dërguar në mbajtje”, thuhet në njoftimin e policisë.