Rriten aksidentet me motor në Kosovë, katër të rinj në gjendje të rëndë - po trajtohen në QKUK

Aksidentet me motor po shpeshtohen kohëve të fundit në Kosovë, duke sjell pasoja të rënda për drejtuesit e tyre. Së fundmi, janë regjistruar disa aksidente në rajonin e Ferizajt dhe të Llapit, ku disa persona kanë pësuar lëndime serioze. Sipas informacioneve të Klankosova.tv, katër të rinj janë dërguar për trajtim në Qendrën Klinike Universitare të Kosovës, në Mjekimin Intensiv Qendror, në gjendje të rëndë. Autoritetet vazhdimisht kanë bërë thirrje për kujdes maksimal dhe respektim të rregullave të trafikut, ndërsa aksidentet me motor vazhdojnë të jenë shqetësim për komunitetin./Klankosova.tv