Rruga e Kombit pa pagesë, Balluku: Bashkohemi në Tiranë për drejtësi

Qeveria shqiptare ka njoftuar se Rruga e Kombit do të jetë pa pagesë për 24 orë, nga data 17 deri më 18 tetor, për të lehtësuar udhëtimin e qytetarëve që duan t’i bashkohen protestës në Tiranë kundër, siç thuhet, padrejtësive ndaj ish-krerëve të UÇK-së. Lajmin e ka konfirmuar edhe  zëvendëskryeministrja e Shqipërisë,  Belinda Balluku, e cila përmes një postimi në Facebook ka bërë thirrje për bashkim në këtë protestë. “Liria ka emër, drejtësi për çlirimtarët. Bashkohemi në Tiranë për drejtësi, dinjitet dhe të vërtetën e luftës çlirimtare të Kosovës”, ka shkruar Balluku. / Klankosova.tv