Rrugëtimi i kosovarëve që pushtuan Kilimanxharon (VIDEO)

Nuk bënë të nisesh për në majën më të lartë në Afrikë e të mos e mësosh këngën që vendësit ia kanë kushtuar asaj. E kësaj radhe, rrugën 4 ditore për të arritur deri në Uhru në kokë të Kilimanxharos, e kanë mësyrë 22 alpinistë kosovarë. Deri në pikën prej 4800 metrash lartësi, këta shoqërohen nga 69 kujdestarë vendës, të cilët pjesëtarëve të Klubit Alpin Prishtinë, u përgatisin tendat për fjetje dhe ushqim të nxehtë në 3 racione. Por, nga kjo lartësi rruga bëhet pa kujdestarë. Udha për majën prej 5895 metrash lartësi fillon në natën e 6 marsit në ora 11e30. Nga këtu e tutje secili e sfidon vehteb, pasiqë efektet e mungesës së oksigjenit shfaqen në forma të ndryshme. Veçse fortë e veçantë është ndjenja që të përjetohet lindja e diellit në 5500 metra lartësi mbidetare, njofton Klan Kosova. Në ora 7 të mëngjesit grupi arrini tek pika stella e cila shënon fillimin e kraterit të vullkanit të shuar të Kilimanxharos në 5756 metra. E vështirësitë shtohen derisa afrohet maja e Kilimanxharos. Kjo pjesë kryhet në orën 8 më 7 mars.  E në mesin e 20 personave që janë ekipi i tretë kosovarë që arrin këtu në Uhru, për herë të parë ka edhe femra. Janë 8 sosh. E të gjithë këta lexojnë urimin që konfirmon fundin e rrugës përpjetë. Lodhja vërehet tek secili. Por secili po e njeh veten në një dimension të ri. Duke zhvilluar luftë të brendshme me organizmin dhe mendjen. Veçse mungesa e oksigjenit nuk lejon që këtu të qëndrohet më shumë se 45 minuta për të shikuar pamjet magjepse. Kronikë nga Blerta Ahmeti. https://youtu.be/ZpqR_3AGJ_U