Rubio paralajmëron se aneksimi i Bregut Perëndimor mund të rrezikojë planin e Trump për Gazën

Sekretari i Shtetit i ShBA-së, Marco Rubio, ka paralajmëruar se lëvizjet e parlamentit të Izraelit drejt aneksimit të Bregut Perëndimor mund të kërcënojnë planin e Presidentit amerikan, Donald Trump për t'i dhënë fund luftës në Gaza , i cili deri më tani ka rezultuar në një armëpushim të paqëndrueshëm. "Dua të them, kjo është një votim në – po, kjo është një votim në Kneset, por natyrisht mendoj se presidenti e ka bërë të qartë se kjo nuk është diçka që ne do ta mbështesnim tani dhe mendojmë se kjo është potencialisht kërcënuese për marrëveshjen e paqes", u tha Rubio gazetarëve të mërkurën vonë para se të nisej për në Izrael, shkruan Reuters, transmeton Klankosova.tv. Vizita e Rubios është e fundit nga një zyrtar i lartë amerikan që kërkon të mbajë gjallë armëpushimin e brishtë midis Izraelit dhe grupit militant palestinez Hamas, pas dy vitesh lufte shkatërruese që ka tronditur Lindjen e Mesme.