Rukiqi: Deri tani askush s'e ka shpallur zyrtarisht kandidaturën për kryetar të OEK-ut

Kryetari i Odës Ekonomike të Kosovës, Berat Rukiqi, ka mbajtur një konferencë për medie me rastin e përfundimit të mandatit 4-vjeçar si kryetar i kësaj ode. Ai është shprehur se ambicia e tyre ishte që të kryejnë më shumë shërbime brenda OEK-ut, përcjell Klankosova.tv. “Kur kemi ardhur kemi pasur ambicie me kry më shumë shërbime, nuk kemi arritur në shkallën që kemi dëshiru, por besoj që është një bazë për ata që do të vijnë më tutje”, tha ai. Rukiqi tutje u shpreh se deri tani askush nuk e ka shpallur zyrtarisht kandidaturën për kryetar të ri të odës. “Deri në këto momente nuk e ka shpallur dikush zyrtarisht kandidaturën për kryetar të ri të Odës Ekonomike. Nuk mund të them asgjë derisa të kemi kandidaturë zyrtare dhe do të jetë një garë e hapur”, tha ai.