Ministria e Mbrojtjes e Rusisë njoftoi të hënën se forcat e saj të mbrojtjes ajrore kanë rrëzuar 251 dronë ukrainas gjatë natës, shumica në jugperëndim të vendit.
Sipas tyre, 61 nga këta dronë janë rrëzuar mbi ujërat e Detit të Zi, ndërsa një tjetër ishte duke u drejtuar drejt Moskës, transmeton klankosova.tv.
Njoftimi u publikua në kanalin zyrtar të ministrisë në platformën Telegram.
Megjithatë, autoritetet ruse nuk dhanë informacion mbi dëme të mundshme materiale apo viktima. Po ashtu, nuk u specifikua numri total i dronëve që janë lëshuar nga Ukraina.
Nga ana tjetër, mediat ukrainase raportuan për një shpërthim të madh në një depo nafte në Feodosia, në bregdetin e Krimesë, pas një sulmi të mundshëm me dron.
Tutje thanë se një rezervuar karburanti në depo ka shpërthyer dhe ka shkaktuar zjarr të madh në zonë.
●●●
KKSHKRIMI NGA
Klan Kosova
Editorial nga Klan Kosova — ndjek lajme dhe zhvillimet e tjera kryesore të vendit.
