Samsung do të humbë 5 miliardë dollarë nga tërheqja e Note 7

Gjigandi Samsung do të goditet shumë financiarisht nga largimi i Note 7 prej tregut. Kjo do të ndikojë në buxhetin e kësaj kompanie për vitin 2017. Të premten, kompania ka deklaruar se pret impakt negativ rreth 2.7 miliardë dollarë. Telefoni i cili u lansua në gusht të këtij viti, ka pasur jashtëzakonisht shumë probleme me baterinë, e cila eksplodonte edhe pa u ndezur fare. Humbjet totale nga tërheqja e këtij telefoni nga tregu, do të sjellë humbje në më shumë se 5 miliardë dollarë.