Samsung do të lansojë platformën ushqimore të bazuar në inteligjencw artificiale

Samsung Electronics njoftoi të enjten se do të lansojë një platformë ushqimore të bazuar në inteligjencën artificiale gjatë IFA 2023, ekspozita më e madhe e elektronikës së konsumit në Evropë që do të mbahet në Berlin në fillim të muajit të ardhshëm. Platforma, e quajtur Samsung Food, do të kujdeset për nevojat dietike të klientëve të pajisjeve shtëpiake Samsung duke përdorur një lidhje celulare, raporton Upi, transmeton KlanKosova.tv. Me më shumë se 160,000 receta unike, Samsung Food do t'u mundësojë njerëzve të krijojnë lista të recetave të tyre të preferuara bazuar në preferencat dhe kërkesat e tyre ushqyese. Programi është krijuar, pasi të konfirmojë pëlqimet dhe mospëlqimet e përdoruesit, si dhe duke marrë parasysh shijet dhe aftësitë e gatimit të anëtarëve të familjes, për të sugjeruar plane të personalizuara për vaktet e plota. Po ashtu kjo platformë ndihmon edhe për vegjetarianët aplikacioni celular mund të modifikojë recetën që zëvendëson mishin me përbërës të tjerë.