Saraçini i drejtohet EHF-së: Ndaleni diskriminimin nga Serbia

Kryetari i Federatës së Hendbollit të Kosovës, Eugen Saraçini i ka shkruar letër të premten Federatës Evropiane të Hendbollit (EHF). Aty ai e ka shprehur shqetësimin për thirrjet anti shqiptare dhe anti Kosovë si dhe për panot diskriminuese të shfaqura në ndeshjen e fundjavës së kaluar mes skuadrës sllovene Gorenje Velenje dhe ekipit serb Partizan nga Beogradi, transmeton klankosova.tv. Takimi është zhvilluar në Slloveni dhe përpos thirrjeve, atje është shfaqur edhe flamuri i Serbisë mbi atë të Kosovës. Prandaj Saraçini ka kërkuar nga EHF që të merren të gjitha masat që raste të tilla të mos ketë më në palestra. Letra i është dërguar të gjithë drejtuesve të Federatës Evropiane të Hendbollit. /Klankosova.tv