“Sarajevo Safari”: Turistët paguanin të vrisnin njerëz për argëtim (VIDEO)

Një gazetë gjermane ka publikuar një dosje të re me pretendime alarmante për “Sarajevo Safari”, ku theksohet se gjatë rrethimit të Sarajevës në vitet 1992-1996, disa qytetarë të pasur të shteteve perëndimore, ndër ta edhe italianë, paguanin për të marrë pjesë në ture, ku në pozicione snajperësh rreth qytetit qëllonin qytetarë për argëtim. Kjo ngjarje e trishtë ishte dëshmuar në Tribunalin e Hagës, në vitin 2007, transmeton Klankosova.tv. Eksperti i sigurisë, Bedri Elezi, në emisionin “Ora Shtatë”, thotë se Gjykata e Hagës në atë kohë ishte sa për sy e faqe, derisa shtoi se nuk kishte qëllim real ngritjen e aktakuzave dhe sjelljen para drejtësisë të personave të dyshuar. “Vendosi dënime tejet të ulëta. Ishte e ngritur në baza politike, dhe ashtu përfundoi”, tha ai. Nga ana tjetër, ish-kryetari i OVL UÇK-së, Nasim Haradinaj thotë se “Sarajevo Safari” nuk mund të zhduket nga historia. Sa i përket tribunalit të ngritur për këtë çështje, ai thotë se faktet nuk janë shoshitur si duhet. https://www.youtube.com/watch?v=PR9YE8dgesI