Rrahman Jasharaj doli me përforcime në konferencë, të enjten. Krahas kryetarit të Sindikatës së Arsimit ishte edhe homologu i tij nga Shqipëria, Nevrus Kaptelli.
Ky i fundit e përkrahu grevën e mësimdhënësve kosovarë, teksa i bëri thirrje Qeverisë Kurti të ulet në tavolinë me sindikatën, njofton Klan Kosova.
Sipas Kaptellit, edhe mësuesit shqiptarë paguhen thuajse njëjtë, prandaj kritikën e ka edhe për qeverinë në Tiranë.
Ndërkaq Jasharaj duket se është hatruar nga qeveria që po gjen kohë, sipas tij, për vizita në shkollat e pakta që po mbajnë mësim, e nuk po i thërret për dialog.
Greva që sipas SBAShK-ut nuk e ka humbur efektin, përkundër disa thyerjeve, nuk do të përfundojë pa rezultate konkrete.
Sindikalistët as nuk do të marrin pjesë në diskutimin publik për Ligjin e Pagave që e ka paralëjmëruar ekzekutivi, pasi konsiderojnë se ata duhet të ftohen si palë nëpër komisionet profesionale që e hartojnë draftin.
https://www.youtube.com/watch?v=mpCqDAc35qk
●●●
NSHKRIMI NGA
NP
Editorial nga Klan Kosova — ndjek video lajme dhe zhvillimet e tjera kryesore të vendit.
