Së shpejti një filmi biografik për Amy Winehouse me regji të Sam Taylor-Johnson

Një film artistik për këngëtaren e ndjerë britanike Amy Winehouse është në proces, me regjisorin e "Fifty Shades of Grey" Sam Taylor-Johnson në krye të kompanisë biografike, Studiocanal. I quajtur "Back to Black", filmi do ta paraqesë jetën dhe muzikën e fitueses së gjashtë çmimeve Grammy, e cila vdiq prej helmimit nga alkooli në shtëpinë e saj, në veri të Londrës, më 23 korrik 2011. Winehouse, e cila luftoi me problemet e alkoolit dhe drogës gjatë pjesës më të madhe të karrierës së saj, ishte 27 vjeç. "Studiocanal është duke u përgatitur për ta bërë ‘Back to Black’. Projekti po përparon me Sam Taylor-Johnson, për të drejtuar filmin artistik mbi jetën dhe muzikën e Amy Winehouse," tha Studiocanal, duke shtuar se një skenar ishte shkruar për filmin. Regjisori britanik Taylor-Johnson është i njohur për regjinë e filmit të parë "Fifty Shades of Grey", një përshtatje nga trilogjia e librave hit, drama "A Million Little Pieces" si dhe episodet për serialet televizive "Gypsy" dhe "Solos". E konsideruar si një nga këngëtaret më të talentuara të brezit të saj me hite si "Rehab" dhe "Back to Black", vdekja e parakohshme e Winehouse tronditi botën e muzikës, përcjell Klankosova.tv Janë realizuar disa dokumentarë rreth saj, më i fundit i rrëfyer nga nëna e saj dhe i transmetuar në BBC të Britanisë, në vitin 2021, për të shënuar 10-vjetorin e vdekjes së këngëtares. Një dokumentar i vitit 2015 "AMY" për Winehouse i dha regjisorit Asif Kapadia një Oscar, megjithëse në atë kohë babai i këngëtares Mitch Winehouse e quajti atë mashtrues dhe tha se familja ishte shkëputur nga filmi.