Sejdiu flet për shifrat e fundit të FMN-së: Qaty është sikleti i kësaj qeverie (VIDEO)

Opinionisti Dardan Sejdiu ka komentuar raportin e fundit të Fondit Monetar Ndërkombëtar, i publikuar gjatë ditës së sotme.

Në emisionin “Rubikon” në Klan Kosova, ai deklaroi se rritja ekonomike prej 3.6 për qind nuk është e mjaftueshme për një vend si Kosova.

“Armiku më i madh i zhvillimit të këtij vendi është kur e kqyr raportin e fundit të Fondit Monetar Ndërkombëtar, që e kanë publikuar sot, numrat janë aty 3.6 përqind, rritja ekonomike e një vendi të varfër”. Ai theksoi se shqetësimi kryesor mbetet sektori i energjisë, transmeton Klankosova.tv. “Sikleti është tjetër, është qysh me mujt me i deligjitimuar mediat për diçka që po duket që është emërues i përbashkët, ose kryefjala e kallëzuesi i qeverisjes Kurti e që është problemi me rrymën” Fondi Monetar Ndërkombëtar në raportin që e publikoi të enjten potencoi se kriza politike është një ndër shkaktarët kryesor që ka bërë që Kosova të ngadalësojë zhvillimin ekonomik. FMN theksoi se qeveria duhet të kontrollojë shpenzimet e veta dhe të investojë më shumë për të rritur sigurinë ekonomike.   https://www.youtube.com/watch?v=merdsvBwtAg&t=1s https://klankosova.tv/fmn-del-me-raport-per-kosoven-thote-se-politika-po-ngadaleson-ekonomine-video/