Selena Gomez thotë se pati ndikim te shumë njerëz derisa foli për problemet me shëndetin mendor

Ylli i "Only Murders in the Building" ka folur hapur për diagnozën e saj të çrregullimit bipolar. Për Selena Gomez, transparenca me fansat e saj është thelbësore. Kjo është arsyeja pse ajo ka qenë prej kohësh e hapur për betejat e saj me shëndetin mendor, të cilat përfshijnë një diagnozë bipolare që ajo zbuloi për herë të parë në vitin 2020. Edhe pse ajo kurrë nuk e kishte pritur se mund të ketë një ndikim të tillë tek masa në botës, si dhe të ndihmojë njerëz të tjerë që vuajnë nga sëmundje të shëndetit mendor si ajo. “Më thyhet zemra kur dëgjoj një vajzë që vjen tek unë dhe më thotë: 'Isha shumë afër që të merrja jetën time, por kur pashë dokumentarin tuaj, nuk mund ta imagjinoja më ta bëja këtë'", tha 31 vjeçarja. “Kjo është dhurata më e bukur, por po, më shiko mua… Është çmenduri të kesh atë përgjegjësi.” Ai dokumentar i Selena Gomez u shfaq premierë vitin e kaluar dhe u ofroi fansave detaje të luftës së saj dhe sukseset që korri për të mposhtur problemet me shëndetin mendor. Përveç diagnozës së saj bipolare, Gomez vuan edhe nga sëmundja e veshkës dhe iu nënshtrua një transplanti të veshkave në vitin 2017. Me kompaninë e saj të produkteve të grimit "Rare Beauty", ajo ndanë fonde të shumta për njerëzit që kanë probleme me shëndetin mendor, shkruan People, transmeton Klankosova.tv.