Selimi: Është shpërndarë në mënyrë më të barabartë përgjegjësia në rritjen e fëmijës, mes nënës dhe babait (VIDEO)

Rita Selimi, asistente në departamentin e Punës Sociale në Universitetin e Prishtinës, ka thënë që ditët e sotme ka ndryshuar koncepti që në rritjen dhe edukimin e fëmijës - barrën më të madhe duhet ta ketë nëna. Selimi në emisionin "Familja ime" në Klan Kosova, ka thënë që tashmë përgjegjësia është ndarë në mënyrë më të barabartë mes nënës dhe babait. "Të qenit prind konsideroj që është një punë me orar të plotë. Më përpara, ndoshta nuk kemi qenë edhe shumë të vetëdijshëm se cilat janë kërkesat e fëmijëve. Tash jemi pak më të vëmendshëm në këtë aspekt dhe sot e shoh që prindërit e kanë një barrë të madhe për me i përmbush ato që janë edhe të domosdoshme për fëmijët". "Shkenca e njeh atashimin që për fëmijët është e rëndësishme me pas një lidhje emocionale me kujdestarin, ose me prindin. Zakonisht edhe mirret si referencë që nëna duhet të sakrifikojë më shumë në rritjen e fëmijës. Nuk është vetëm nëna, por edhe babai në të njëjtën kohë që ka përgjegjësi në këtë punë. Më vjen mirë që tash e shoh që ka ndryshuar ky koncept dhe kemi një lloj barazie mes burrit dhe gruas në rritjen e fëmijës". ka thënë ajo. https://www.youtube.com/watch?v=L5K9CeayFxI