Serbët s’ndalen, edhe një barrikadë tjetër në veri (VIDEO)

Policia e Kosovës është stacionuar në tri lokacione në lagjen Berxhane në Mitrovicën e Veriut. Por, Policia e Kosovës nuk mundet të shkoi tutje, pasi rreth dy kilometër më lartë është krijuar një barrikadë e re. Ajo është vendosur në lokacionin e quajtur Zveçani i Ri e bërë të premten mbrëma. “Gjatë natës ka vazhduar vendosja edhe e një barrikade të re, për të vazhduar pengimin e lirisë së lëvizjes së lirë edhe në rrugët alternative, e që po vështirëson edhe më tej jetën e qytetarëve në veri të vendit”, thuhet në njoftimin e PK-së. Sipas organeve të rendit, bllokimi i rrugëve alternative po vazhdon të cenoj lirinë e lëvizjes për në dy pikat kufitare të Jarinjës e atë në Bërnjak. Ndërsa, në Mitrovicën e Jugut, qytetarët thonë se nga rrethanat aktuale, zor që dalin andej urës së Ibrit. Barrikadat e para nisën të vendosën të shtunën e javës së kaluar. https://www.youtube.com/watch?v=m5dZTzCXeVI