Serbia i fton shqiptarët mbi 30-vjeç në ushtri, i kushtëzon me shtetësi (VIDEO)

Një fushatë që di ta bëjë më së miri, i hyri rishtazi Serbia. Qeveria me seli në Beograd ka marrë iniciativë së fundmi që shqiptarëve të Luginës mbi 30 vjeç me nënshtetësi serbe, e që jetojnë në Kosovë, t'ua pasivizojë adresat, duke u dërguar ftesa që ta veshin uniformën e ushtrisë. Sipas Institutit për Afirmimin e Marrëdhënieve Ndëretnike, si kamuflim, këso ftesash iu dërguan edhe disa serbëve, por synimi kundrejt shqiptarëve mbetet i qartë që t’i frikësojë dhe t'i largojë nga listat e shtetësisë. Ani se shteti serb ka ushtrinë profesionale, nga Këshilli i të Drejtave të Njeriut atje thonë se trysnia mund të rritet edhe duke kërkuar staf rezervë. Nga Këshilli Kombëtar Shqiptar konfirmuan për Klan Kosovën se nuk kanë informacione për diçka të tillë, por sipas kryetarit Nevzad Lutfiu, sapo të kthehet nga vizita zyrtare nga Strasburgu, do të interesohet për këtë temë. /Klankosova.tv *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=E3tZVneP650