“Shadërvani” plot me qytetarë, prizrenasit presin gol nga bashkëvendësi i tyre, Vedat Muriqi (VIDEO)

Mbrëmja e së martës ka qenë me atmosferë fantastike edhe në qytetin e Prizrenit. Në prag të ndeshjes së Kosovës kundër Turqisë në finalen e madhe për kualifikim në Kupën e Botës, prizrenasit janë mbledhur në qendër të qytetit. Gazetarja e Klan Kosovës, Artina Breznica ka sjell atmosferën nga kryeqyteti kulturor i Kosovës. Një ekran i madh i vendosur te “Shadërvani”, e me qindra qytetarë të pranishëm atje, ka bërë që prizrenasit të përjetojnë momente kulmore për ndeshjen e madhe futbollistike të Kombëtares së Kosovës. Qyteti prej nga vjen sulmuesi Vedat Muriqi, pret që pikërisht ai të jetë protagonist i një fitoreje të madhe të Kosovës përballë Turqisë. Për më shumë ndiqni videon më poshtë: https://www.youtube.com/watch?v=6e95vEr7IOE