Shaip Grabovci: Kur e burgosën Demaçin, s’guxonim t’ia përmendnim emrin (VIDEO)

Në emisionin “FAKTE me Adnan MEROVCIN”, gazetari dhe shkrimtari Shaip Grabovci, ka folur për disa nga çështjet e periudhës para çlirimit të Kosovës. Në mesin e këtyre çështjeve bënte pjesë edhe figura e veprimtarit të shquar, Adem Demaçi. Grabovci tha se në momentin kur ishte arrestuar Demaçi, pavarësisht që nuk guxonin as emrin t’ia përmendnin, dashuria e popullit për këtë figurë nuk mungonte. “Unë e di në Normale kur e burgosën Adem Demaçin, ne nuk guxonim t’ia përmendim emrin, mirëpo të gjithë ishim me zemër kah Ademi. Ademi nuk ka qenë sikurse Rugova, kanë pas dallime në qasje të luftës për çlirim. Ademi tek më vonë është bërë si Rugova”, tha ai. Gjithashtu, Grabovci shtoi se Adem Demaçi ka qenë rezultat i kohës së tij, i cili ka dhënë një kontribut të çmuar, duke shtuar edhe se “ai na ka mbajt gjallë”. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS Video në vijim: https://www.youtube.com/watch?v=BP7Genpr4jU&ab_channel=FaktemeAdnanMEROVCI Emisioni i plotë: https://www.youtube.com/watch?v=27Q_SS7z72g&ab_channel=FaktemeAdnanMEROVCI