Policia në Suharekë po vazhdon ta hetojë edhe më tutje një rast ku nëna e një gjashtëvjeçare e raportoi tek autoritetet edukatoren për dhunë ndaj fëmijët të saj.
Edukatorja e një kopshti në Suharekë që dyshohet që e rrahu vajzën, po i kundërshton deklaratat e Naile Qatanit që raportoi për dhunë ndaj të bijës.
Edukatorja e dyshuar ka thënë për Klan Kosovën që Nailja i ka kërkuar disa mijëra euro si kërcënim.
Ky xhirim është bërë para se nëna e viktimës të hap rastin në polici. Ndërkaq, drejtoresha e kopshtit që është edhe e motra e edukatores tha se në këtë rast e dyshuara nuk e ka rrahur vajzën.
E avokati i saj, Muhamet Shala pretendon se Naile Qatani i kishte kërkuar para menaxhmentit të kopshtit në këmbim të heshtjes së rastit.
Ndërsa, Qatani i tha televizionit se ata vet i kishin kërkuar marrëveshje.
Për më tepër, ndiqni kronikën e përgatitur nga Klan Kosova:
https://www.youtube.com/watch?v=oXrhk0KwY5U
●●●
GSHKRIMI NGA
G.U
Editorial nga Klan Kosova — ndjek video lajme dhe zhvillimet e tjera kryesore të vendit.
