Sharon Stone ka humbur nëntë fëmijë nga abortet, tash i ka të birësuar tre

Sharon Stone ka folur për herë të parë për vuajtjen e nëntë aborteve, teksa ndau ankthin e saj se ‘nuk ka fjalë për ta përshkruar humbjen e thellë’. Aktorja e Basic Instinct, 64, diskutoi humbjen e saj nën një postim në Instagram nga People, ku interpretuesja e Dancing With The Stars Peta Murgatroyd, foli për humbjen e shtatzënisë me bashkëshortin Maks Chmerkovskiy. Duke u hapur për përvojën e saj me humbjen e shtatzënisë, Sharon shkroi: “Ne, si femra nuk kemi një forum për të diskutuar thellësinë e kësaj humbjeje. Kam humbur nëntë fëmijë nga abortet”, ka shkruar Stone. “Nuk është gjë e vogël, as fizikisht dhe as emocionalisht”, vazhdoi aktorja e cila ka tre fëmijë të birësuar. “Megjithatë, ne jemi bërë të ndiejmë se është diçka për të përballuar vetëm dhe fshehurazi me një lloj ndjesie dështimi. Në vend që të marrim dhembshurinë, ndjeshmërinë dhe shërimin aq shumë të nevojshëm për të cilin kemi kaq nevojë. Shëndeti dhe mirëqenia femërore e lënë në kujdesin e ideologjisë mashkullore është bërë në rastin më të mirë të dobët, në fakt injorante dhe dhunshëm në përpjekje”, shkroi ajo, duke përfunduar mesazhin e saj. Zbulimi erdhi pasi Murgatroyd, 35 vjeç, foli për humbjen e saj të fundit dhe se si e zbuloi se humbi shtatzëninë ndërsa burri Maks, 42 vjeç, ishte në Ukrainë, transmeton Klankosova.tv.