Shtetet e Bashkuara të Amerikës do t’i ofrojnë Ukrainës informacion inteligjent për objektivat e infrastrukturës energjetike me rreze të gjatë në territorin e Rusisë, njoftuan të mërkurën dy zyrtarë amerikanë për Reuters.
Gjithashtu, ShBA po kërkon nga aleatët e NATO-s të ofrojnë mbështetje të ngjashme në këtë drejtim, thanë zyrtarët, duke konfirmuar raportimin e parë të Wall Street Journal, transmeton Klankosova.tv.
Ky vendim është ndryshimi i parë i politikës që presidenti Donald Trump e ka miratuar, pas ashpërsimit të qëndrimeve të tij ndaj Rusisë në javët e fundit, me synimin për të dhënë fund luftës më shumë se trevjeçare të Moskës në Ukrainë.
ShBA po shqyrton edhe kërkesën e Ukrainës për raketa me rreze të gjatë Tomahawk, të cilat mund të përdoren në sulme të tilla.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
