SHBA raporton numër rekord të vdekjeve nga COVID-19 për 24 orë

Shtetet e Bashkuara të Amerikës raportuan 4 mijë e 327 vdekje gjatë 24 orëve nga COVID-19, që shënon edhe shifrën rekord të viktimave, sipas të dhënave nga Universiteti Johns Hopkins. Shifrat e fundit e çojnë numrin e të vdekurve në të gjithë vendin në 380 mijë e 670 viktima, shkruan CNN, transmeton Klan Kosova. Sipas Universiteti Johns Hopkins SHBA raportoi 215 mijë e 805 raste të reja me COVID-19, duke e çuar numrin e përgjithshëm të infeksioneve të konfirmuara në 22 milionë e 838 mijë e 110 të infektuar. Në total përfshihen raste nga të 50 shtetet, Distrikti i Kolumbisë dhe territore të tjera të SHBA, si dhe raste të riatdhesuara.