SHBA regjistron afër 60 mijë raste të reja me COVID-19

Së paku 59 mijë e 494 raste të reja me koronavirus janë regjistruar në Shtetet e Bashkuara të Amerikës në 24 orët e fundit. Sipas Johns Hopkins University në periudhën e njëjtë janë shënuar 985 raste të vdekjeve, transmeton Klan Kosova. Në SHBA në total raste të paraqitura me COVID-19 janë shtatë milionë e 916 mijë e 100 raste, me së paku 216 mijë e 872 vdekje. Në këto të dhëna përfshihen që të gjitha 50 shtetet amerikane, Distrikti i Kolumbisë dhe territoret tjera amerikane, sikurse edhe rastet e riatdhesuara.