Shefi i Google, më i paguari ndër të gjithë

Shefi ekzekutiv i Google, Sundar Pichai, ka marrë 199 milionë dollarë në aksione. Kjo e bën atë shefin ekzekutiv më të paguar në Shtetet e Bashkuara të Amerikës. Pichai u bë shef i kompanisë me krijimin e Alphabet. Themeluesit e Google, Larry Page dhe Sergey Brin, ka në pasuri prej 34,6 përkatësisht 33,9 miliardë dollarë, sipas Forbes. Sundar ka marrë 273,328 aksione të Alphabet më 3 shkurt, në vlerë totale prej 199 milionë dollarësh, thuhet në një dokument të Securities and Exchange Comission. Me këtë rast pasuria e tij ka arritur vlerën prej 650 milionë dollarë.