Shefja e stafit të Shtëpisë së Bardhë, Susie Wiles ka thënë se i vjen keq që lejoi kamerat të ndiqnin takimin kontrovers të Presidentit Donald Trump me Presidentin ukrainas Volodymyr Zelensky në shkurt."Nëse do të mund ta bënim përsëri... nuk do të kisha kamera, sepse kështu do të përfundonte", tha Susie Wiles për Vanity Fair, duke iu referuar transmetimit televiziv të takimit në të cilin Trump dhe zëvendëspresidenti JD Vance e kritikuan ashpër udhëheqësin vizitor.Wiles tha se bllokimi ishte rezultat i sjelljes “së vrazhdë” të Zelenskyit dhe ekipit të tij, duke filluar me refuzimin e tij për të marrë pjesë në një takim në Kiev me Sekretarin e Thesarit të SHBA-së, Scott Bessant, për të negociuar një marrëveshje për të drejtat minerale."Ishte thjesht një ndjenjë e keqe në çdo aspekt. Dhe nuk do të thoja që JD u drodh, sepse është shumë i kontrolluar për këtë. Por mendoj se thjesht i mjaftoi", tha ajo. /Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
