Shembet masivi i kromit në Burrel, zë poshtë punëtorin

Një ngjarje e rëndë është regjistruar pasditen e sotme në një fabrikë kromi në Burrel. Policia njofton se një masivë dheu është shembur, duke zënë poshtë një nga punëtorët, së bashku me automjetin e punës. “Rreth orës 14:00, në qafën e Burrelit, në fabrikën e pasurimit të kromit, e marrë me qira nga një shoqëri kineze, shtetasi A.B., teksa po punonte me një automjet fadromë për gërryerjen e një rezervuari, dyshohet se është shembur një masiv dheu dhe, për pasojë, ka zënë poshtë punëtorin bashkë me mjetin e punës”, informon policia. Sakaq, shërbimet e Policisë dhe ato të ekipit të urgjencës po punojnë për gjetjen e punëtorit të zhdukur, raporton A2CNN, transmeton Klankosova.tv Në vendngjarje ka mbërritur edhe grupi hetimor që po punon për zbardhjen dhe dokumentimin e rrethanave të saj