Shembet ndërtesa 7 katëshe në Stamboll, pesë persona të bllokuar nën rrënoja

Një ndërtesë shtatëkatëshe u shemb më 29 tetor në provincën veriperëndimore të rrethit Gebze të Stambollit, duke lënë të paktën pesë persona të bllokuar nën rrënoja. Operacionet e kërkim-shpëtimit janë duke vazhduar, ndërsa ekipet e emergjencës janë në garë me kohën për të gjetur të mbijetuarit, transmeton Klankosova.tv Guvernatori i Kocaelit, Ilhami Aktas, në një transmetim të drejtpërdrejtë, tha se autoritetet ende nuk e kanë përcaktuar shkakun e shembjes. "Prioriteti ynë është të shpëtojmë ata që janë bllokuar nën rrënoja", tha ai, duke konfirmuar se pesë banorë besohet se ishin brenda ndërtesës në kohën e incidentit. Pas raportimeve për shembjen e ndërtesës, policia, zjarrfikësit, ekipet mjekësore dhe personeli i Presidencës së Menaxhimit të Fatkeqësive dhe Emergjencave (AFAD) u dërguan në vendngjarje. /Klankosova.tv