Drejtori i Sigurisë dhe Emergjencave në Prishtinë, Lulzim Fushtica në emisionin “Ora Shtatë” ka folur për shembjen e rrugës “Don Shtjefën Kurti” në Prishtinë.
Ai përsëriti se shkaku i shembjes së tokës do të kuptohet nga hetimet e organeve kompetente, transmeton Klankosova.tv.
Sikur mbrëmë, kur kryetari Përparim Rama e bëri të ditur se disa inspektorë janë pezulluar, njësoj edhe sot tha edhe Fushtica.
“Inspektorët u pezulluan për shkak të hetimit, që të shikohet nëse realisht ka pasur lëshim në monitorim të punës së mbikëqyrjes së këtyre inspektorëve gjatë punimeve”, u shpreh Fushtica në Klan Kosova.
Të dielën, në terren dolën policia dhe ekipet e KEDS, ujësjellësit të Prishtinës dhe inspektorët e ndërtimit.
Në këtë rrugë dhe disa të tjera është ndërprerë energjia elektrike dhe uji, megjithëse nuk është bërë evakuimi i banorëve.
https://www.youtube.com/watch?v=MhWgG_a1lVc
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
