Sherr në trafik, sulmohet fizikisht një burrë në Graçanicë

Një sulm fizik raportohet të ketë ndodhur në një rrugë të Graçanicës. Sipas policisë, viktima fillimisht ishte kanosur verbalisht dhe sulmuar fizikisht nga i dyshuari i cili ishte duke drejtuar automjetin e tij, transmeton Klankosova.tv. “Viktima mashkull kosovar ka raportuar se derisa ka qenë me veturë pas një mosmarrëveshje në komunikacion është kanosur verbalisht dhe sulmuar fizikisht nga i dyshuari mashkull kosovar i cili ishte duke drejtuar automjetin e tij. Palët janë intervistuar dhe me vendim të prokurorit rasti procedohet në gjendje të lirë”, thuhet në raportin e PK-së.