Shkarkime te Caritasi, Kosova shpëton (VIDEO)

Përfaqësuesit më të lartë të "Caritas Internacional" ishin pjesë e një konference në Romë. Në ditën e dytë të takimeve të martën, befas u lajmëruan se Papa Françesku ka vendosur shkarkimin e tyre nga pozitat udhëheqëse. Atje po merrnin pjesë edhe përfaqësues nga Kosova, që i tregojnë arsyet. “Në shpjegim të dekretit Papa kërkon fuqizimin e Caritasit në raport me njeriun, nuk ka të bëjë asnjë me keqpërdorim financiar ose abuzime”, Don Viktor Sopi, drejtor gjeneral i "Caritas Kosova". Megjithatë, nga ky vendim nuk preket edhe dega që Sopi përfaqëson, pasi që vendi ka rol vëzhgues dhe jo vendimmarrës. Atje përfaqësuesit kosovarë kishin treguar edhe shqetësimin e tyre për paralelizmin me Caritasin e Zvicrës që vepron në Kosovë. “Përgjigja ishte që në shumë shtete të botës ka këso paralelizma, ku paralel punojnë Caritase të ndryshme jo vetëm ai autokton që e ka legalitetin e kishës në vendin ku vepron”, tha tutje ai. Aktualisht është caktuar kardinali Luis Antonio Tagle, si promotor i konkretizimit të vizionit të ri për Caritasin, derisa takimi i radhës për të zgjedhur udhëheqësit e rinj është 23 maji i vitit tjetër. https://www.youtube.com/watch?v=rlUL-_hk5ds