Paraditën e së shtunës plagosi dy gra, e pasdite policia po e ndiqte.
Me thirrjet për dorëzim, në rrugën Fehmi Lladrovci në Fushë Kosovë, zyrtarët policor nisën edhe ndjekjen e S.I, por që nuk iu bind dhe iku drejt shtëpisë së tij në Nakaradë.
Mosbindjen ndaj urdhrave 69-vjeçari e vazhdoi edhe kur nxori armën dhe shkrepi kah forcat e rendit që në vetëmbrojtje ia kthyen me të njëjtën mënyrë.
Ai u dërgua i gjallë në QKUK, por nuk arriti t`u mbijetojë plagëve. Për këtë rast, Inspektorati Policor konfirmoi për Klanin se nuk ka dyshime për ndonjë veprim të kundërligjshëm nga ana e zyrtarëve policor.
Familja e të ndjerit që të dielën hapën të pamën, nuk deshën të flasin asgjë për rastin. E bashkëfshatarët, në kushte anonimiteti pohojnë se të përfshirët kishin bërë pazar mes vete.
Trupi i tij u dërgua për obduksion, teksa me të plagosurat siç merr vesh klani kishte lidhje të largëta familjare.
https://www.youtube.com/watch?v=CnE4KrNuiCQ
●●●
GSHKRIMI NGA
G.U
Editorial nga Klan Kosova — ndjek video lajme dhe zhvillimet e tjera kryesore të vendit.
