Derisa variantet të reja të COVID-it po shfaqen vazhdimisht, njerëzit tani kanë dilema se a kanë simptoma të Omicronit, apo të një ftohje të zakonshme.
Tre simptoma kryesore të koronavirusit konsiderohen të jenë temperatura e lartë, kollitja si dhe humbja e nuhatjes dhe shijes.
Por, shkencëtarët pretendojnë se të tjerët që testohen pozitivë për Omicron tani po tregojnë se kanë simptoma të ngjashme me ato të ftohjes së zakonshme, shkruan The Mirror, transmeton Klankosova.tv.
Ata konsiderojnë se pesë simptomat kryesore janë rrjedhja e hundëve, dhimbja e kokës, lodhja, teshtitja si dhe dhimbja e fytit.
Ndërkaq, simptoma të tjera që mund t’i keni nëse jeni infektuar me variantin Omicron të COVID-19, janë kollitja e vazhdueshme, ethet, dhimbja e syve si dhe dhimbja e gjoksit.
●●●
GSHKRIMI NGA
G.U
Editorial nga Klan Kosova — ndjek shëndet dhe zhvillimet e tjera kryesore të vendit.
