Shkon në 11 numri i viktimave nga Covid-19 në Kosovë

Pasditen e sotme është shënuar vdekja e 11-të e pacientëve me Covid-19 në Kosovë. Klinika Infektive ka njoftuar se sot në orët e pasdites në Njësinë e Kujdesit Intensiv të kësaj klinike ka përfunduar me vdekje pacientja F.H. (1949) nga Komuna e Vushtrrisë. Sipas kësaj Klinike, pacientja 71 vjeçare kishte edhe sëmundje të tjera shoqëruese. "Pacientja është hospitalizuar në Klinikën Infektive me datë 05.04.2020, e referuar nga Qendra Emergjente e Spitalit të Vushtrrisë. Ajo ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes Covid-19 ka pasur edhe sëmundje të tjera shoqëruese ".