Shkon në 67 mijë e 967 numri i të vrarëve në Gaza

Në përditësimin e saj të fundit ditor, Ministria e Shëndetësisë e Gazës, e drejtuar nga Hamasi, thotë se 67 mijë e 967 persona janë vrarë në Rrip që nga sulmet e 7 tetorit. 29 persona të tjerë i janë shtuar totalit në 24 orët e fundit, përfshirë tre që "i janë nënshtruar plagëve të marra" dhe 22, mbetjet e të cilëve janë nxjerrë nga rrënojat, shkruan BBC, transmeton Klankosova.tv. Ministria thotë se katër persona të tjerë u vranë në 24 orët e fundit. Ndryshe, Forcat Mbrojtëse të Izraelit (IDF) ende kontrollojnë afërsisht 53% të Rripit të Gazës dhe kanë deklaruar se do të vazhdojnë të veprojnë për të mbrojtur trupat e tyre në terren.