Shkupi mirëpret momentin historik të afrimit me BE-në (VIDEO)

Maqedonoveriorët kanë hyrë me një këmbë në Bashkimin Evropian. Pas hapjes së negociatave mes shtetit të tyre dhe Unionit, e ardhmja perëndimore u duket më se e sigurt. Megjithatë, mendjen e kanë tek një sfidë të rëndësishme që duhet ta kaloi parlamenti i Maqedonisë së Veriut. Duhen dy të tretat e deputetëve për ndryshime kushtetuese, që prekin temat e nxehta të gjuhës maqedonase e barazimit të pakicës bullgare me gjithë popujt tjerë. Këtë deri tash e ka kundërshtuar opozita maqedonase. Rol konstruktiv në procesin integrues po vlerësohet se kanë luajtur politikanët shqiptarë. Nga tash, Maqedonia e Veriut do të monitorohet nga ekspertët në procesin e përshtatjes së ligjeve me ato të BE-së. Nga kjo varet shumë edhe anëtarësimi i plotë, teksa në Shkup nuk pati ndonjë aktivitet të veçantë për këtë zhvillim, të martën. https://www.youtube.com/watch?v=c-6G_b3mMVI