Shokët e Shpat Kasapit zemërthyer, ia kujtojnë momentet e bukura (VIDEO)

Vdekja e këngëtarit nga Tetova, Shpat Kasapi, la të tronditur estradën shqiptare dhe më gjerë. Arian Agushi, i njohur si Gold Ag, në emisionin “Ora Shtatë”, tha se lajmi për vdekjen e Shpatit i erdhi para se të bëhej publikë në media. “M’u rrotullua barku, nuk e besova. Por shpresoj që Zoti do ta bashkojë me babanë e tij”, u shpreh Goldi, transmeton Klankosova.tv. I njëjti tha se ende nuk ka informacione se kur do të varroset artisti, i cli vdiq në Itali, pas udhëtimit atje për shërim të djalit të tij. Gent Myftaraj, shok i Shpatit, u shpreh i pikëlluar për këtë humbje të madhe. “Shpati, i buzëqeshur si ishte, iu ka dhënë dashuri të gjithëve. Është humbje e gjithë shqiptarëve. Shqiptarët dje ia kthyen dashurinë dje, që ai e ka dhënë gjithmonë”, u shpreh Myftaraj. Ai kujtoi momentet më të bukura që kishte me Shpatin, dhe emocionet që ai jepte. Për të dëgjuar më shumë nga këto rrëfime, ndiqni videon e mëposhtme: https://www.youtube.com/watch?v=-DD4b0GA-Hg