Shpërthen zjarri në depon e parfumeve, vdesin gjashtë persona në Turqi

Një zjarr në një depo parfumesh në veriperëndim të Turqisë të shtunën në mëngjes la gjashtë persona të vdekur dhe një të lënduar, thanë zyrtarët. Shkaku i zjarrit në provincën Kocaeli nuk dihet ende. Zjarri shpërtheu rreth orës 9 të mëngjesit sipas kohës lokale, me mediat lokale që raportojnë se u parapri nga disa shpërthime. Ekipet e emergjencës dhe zjarrfikësit u dërguan menjëherë në vendngjarje dhe zjarri u vu nën kontroll brenda një ore, raporton Associated Press, transmeton Klankosova.tv. Duke folur për gazetarët, guvernatori i provincës, Ilhami Aktas, tha se gjashtë persona kishin vdekur dhe një tjetër ishte lënduar dhe po merrte trajtim. Ai shtoi se shkaku i zjarrit është ende i panjohur dhe është nën hetim.