Pastrimi i gypave të ujit në horizontin e XI, gati sa nuk u mori jetën të hënën në mesditë.
Dy minatorë, njëri 37 e tjetri 42 vjeç, janë në mesin e 12 minatorëve që mbetën të lënduar në minierën e Trepçës në Stantërg, 10 nga të cilët u lëshuan për në shtëpi pasdite, raporton Klan Kosova.
Kjo kur bidoni me acid sulfurik shpërtheu e lëngu që rrodhi ra në kontakt me trupat e punonjësve.
Dyshja u punësua rishtazi në ndërmarrje, ndërsa po marrin trajtim në Klinikën Oftamologjike në Spitalin e Mitrovicës. Edhe pse me lëndime në sy, ata janë jashtë rrezikut për jetë.
Të dy i vizitoi pasdite edhe zëvendësministri i Ekonomisë Getoar Mjeku, që pret rikthimin sa më të shpjetë të tyre pranë kolegëve, e kjo avari uron të jetë e fundit.
Heronjtë e nëntokës i vizitoi edhe shefi i ri i gjigantit metalurgjik Bashkim Kurti. Ani se akoma s`e ka marrë zyrtarisht detyrën, ky u zotua për më shumë siguri në minierë.
Të lënduarit e tjerë i vizitoi gjatë ditës edhe i pari i Mitrovicës, Bedri Hamza.
https://www.youtube.com/watch?v=pDD7klA_laU
●●●
LGSHKRIMI NGA
L. Ga.
Editorial nga Klan Kosova — ndjek video lajme dhe zhvillimet e tjera kryesore të vendit.
