Banorët palestinezë në Rripin e Gazës thonë se po humbin çdo shpresë për vazhdimin e armëpushimit, pasi Izraeli ndërmori një valë të re sulmesh ajrore që lanë mbi 100 të vrarë, shumica gra dhe fëmijë.
Sipas mediave lokale, sulmet e së mërkurës mbrëma në qytete si Nuseirat dhe Khan Younis ishin ndër më të përgjakshmet që nga shpallja e armëpushimit, duke shkaktuar dhjetëra viktima dhe plagosje të shumta, raporton “AlJazeera”, transmeton Klankosova.tv.
Presidenti amerikan Donald Trump deklaroi se “armëpushimi mbetet në fuqi”, ndërsa Katari, një nga ndërmjetësit kryesorë të procesit, shprehu zhgënjim për situatën, por tha se “përpjekjet diplomatike do të vazhdojnë”.
Ndërkohë, ministri izraelit i Mbrojtjes, Israel Katz, paralajmëroi se “asnjë udhëheqës i Hamasit nuk do të ketë imunitet”, duke ngritur frikën se luftimet mund të rifillojnë plotësisht.
Agjencia palestineze e lajmeve “Wafa” raportoi gjithashtu për sulme dhe bastisje nga forcat izraelite në qytete të Bregut Perëndimor si Jenin, Ramallah dhe Nablus, ku kolonët izraelitë kanë shkatërruar qindra pemë ulliri gjatë sezonit të korrjes.
Autoritetet palestineze thonë se Izraeli ka ngritur afro 1,000 barriera dhe porta metalike që kufizojnë lëvizjen e banorëve në Bregun Perëndimor që prej fillimit të luftës në tetor 2023.
Mbi 46 nga viktimat e fundit ishin fëmijë, sipas burimeve shëndetësore lokale, ndërsa spitalet në Gaza raportojnë mbingarkesë të madhe dhe mungesë mjetesh bazë për trajtimin e të plagosurve. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
