Shqipëri-Kosovë, ujdi edhe për gazin natyror (VIDEO

Në mbledhjen mes dy qeverive, asaj të Kosovës e Shqipërisë, u nënshkrua edhe marrëveshja për terminalin për gazin e lëngshëm në Vlorë. Ky projekt që është në fazën e fizibilitetit u vendos që veç Shqipërisë, ai do të arrijë që nga gazi që vjen në portin e lundrueshëm të furnizojë me energji elektrike edhe Kosovën, pas 2 apo 3 vjete. Roli i Kosovës në këtë projekte nuk është aq sa i Shqipërisë. Ministrja i Infrastrukturës dhe Energjisë në Qeverinë e Shqipërisë, Belinda Baliku, tha se Kosovës nuk i kërkohet angazhim financiar, por teknik në dhënien e shifrave për nevojën e kosovarëve për energji elektrike për një periudhë të caktuar. Megjithatë, sipas Lulzim Sylës, njohës i çështjeve të energjisë, Kosova kishte mundësi të ishte edhe aksionar në këtë projekt, jo veç blerës. Syla gjithashtu tha se ky projekt mund të cilësohet edhe si plotësim i gazit amerikan. E edhe pse janë bartës të planit për termocentralin e Vlorës, nga Korporata Energjetike e Kosovës, nuk pranuan të japin asnjë informacion nëse i kanë filluar përgatitjet për këtë punë. https://www.youtube.com/watch?v=PHjCOnO_a1o&t=12s