Shqiponja përplaset dhe ngec në veturë, i shmanget lëndimit

Zyrtarët në një qark të Maryland-it thanë se një shqiponjë ishte me fat që shmangi lëndimet serioze kur u përplas me një veturë dhe përfundoi me pjesën e pasme të saj të mbërthyer në grilën e përparme. Qarku Calvert tha në një postim në Facebook se një oficer i kontrollit të kafshëve dhe personeli nga Zyra e Sherifit të Qarkut Calvert iu përgjigjën thirrjes kur një shofer u përplas me një shqiponjë në Rrugën 4. “Kur shoferi ndaloi, ata kuptuan se shqiponja ishte ende gjallë, por e bllokuar në grilën e automjetit”, thuhet në postim. Oficeri i kontrollit të kafshëve ka mundur të nxjerrë me kujdes shqiponjën me ndihmën e zyrtarëve. “Pas një ekzaminimi të plotë, të gjithë u lehtësuan kur zbuluan se zogu dukej se ishte në gjendje të mirë shëndetësore dhe u lirua shpejt përsëri në natyrë”, thuhet në postim.