Shqiptarët e Leposaviqit ia mësyjnë xhamisë së Cerajës (VIDEO)

Pa dalë rrezet e diellit të enjten, mësynë xhaminë e Cerajës. I madh e i vogël nga fshatrat shqiptare të Leposaviqit, erdhën në faltoren që u përurua rishtazi. Në ballë të saj po i pret imami Cenë Bala që këtë herë vendosi edhe plisin në kokë, raporton Klan Kosova. Derisa të vjen koha e namazit, ky u sqaron xhematlinjve se si duhet bërë ndarja e mishit pas therjes së kurbanit. Nga xhamia më veriore e vendit, hoxha nuk harron t`i përmendë edhe ata që po kujdesen për këtë pjesë të Republikës, Policinë e Kosovës. Kur duatë mbarojnë, nisin përhajret mes besimtarëve. Për më pak tensione në veri, po luten edhe cerajasit. Për Bajramin e Vogël kanë ardhur edhe kurbetqarë. Ata janë të lumtur që shtëpia e zotit u jetësua në këtë fshat. Të kënaqur që u tubuan në këtë xhami ishin edhe ata që e mundësuan ndërtimin e saj. Pas faljes së Bajramit, besimtarët e vegjël nuk u kthyen duarthatë. /Klankosova.tv https://www.youtube.com/watch?v=uJGSLAVAcjg